MAE pennod cyffrous yn hanes Llyfrgell a Siop Un Alwad Dinbych wrth iddo agor ei ddrysau i'r cyhoedd yn dilyn gwaith adnewyddu mawr yn gynharach yr wythnos hon.
Mae rhannau o’r adeilad hanesyddol - a adeiladwyd gan Robert Dudley ym 1572 - wedi'u hadnewyddu i gynnwys cyfrifiadur hunan-wasanaeth i gyrchu gwasanaeth ar-lein y cyngor a phartneriaid a chiosg dosbarthu hunan-wasanaeth newydd.
Mae’r ardal hyblyg i blant a’r ystafell gyfarfod wedi’u hadnewyddu.
Gyda’r WiFi am ddim, pwynt gwybodaeth newydd i dwristiaid, arddangosfa o eitemau a gwybodaeth am hanes lleol, ardaloedd ymgynghori hyblyg ar gyfer defnydd cymunedol a man ar gyfer astudio anffurfiol, mae’r llyfrgell yn adnodd wych ar gyfer y gymuned.
Dywedodd y Cyng Richard Mainon, aelod arweiniol y cabinet dros ddatblygu seilwaith cymunedol: "Mae hwn yn achlysur pwysig iawn i Lyfrgell Dinbych ac rwy'n falch iawn ein bod wedi creu cyfleuster mor fodern i drigolion Dinbych a thu hwnt wrth ddefnyddio'r llyfrgell a'r holl wasanaethau cymunedol ychwanegol.
"Mae llyfrgelloedd yn rhan hanfodol o fywyd cymunedol yn Sir Ddinbych.
"Maent yno i ddarparu cyfoeth o wybodaeth ac adnoddau, cyfleusterau i'w defnyddio gan y gymuned a man lle mae pobl yn mynd i ddysgu sgiliau newydd a bod yn gymdeithasol."
Mae'r gwaith adnewyddu wedi'i ariannu gan y cyngor a Llywodraeth Cymru (Adran Amgueddfeydd a Llyfrgelloedd).
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here