BYDD gig arbennig i ddathlu dechrau gwyliau’r haf yn cael ei chynnal nos Wener yma yn Neuadd Bentref Llanuwchllyn, gyda band lleol Y Cledrau.
Mae’r gig yn arbennig am reswm arall hefyd - mae wedi ei threfnu yn arbennig ar gyfer plant blynyddoedd 4, 5, 6 a 7 gan blentyn blwyddyn 4.
Mae Cadi Elin Williams, 9, wedi bod mewn dipyn o gigs yn barod, hefo’i brawd Efan, 11, a’u cyfneitherod a chefndryd.
Mi welson nhw Y Candelas yn Eisteddfod Y Fenni, ac Yws Gwynedd ym Mhafiliwn Eisteddfod Mon ac yn Neuadd Buddug Y Bala.
Y ddiweddaraf oedd gig Y Cledrau a Candelas yn Neuadd Buddug fis diwethaf.
Mae wedi dechrau cyfri Twitter a Facebook yn enw Miwsig Cymraeg ac yn gobeithio lansio’r wefan yn fuan.
Y syniad ydi creu lle i blant drafod miwsig Cymraeg.
“Roedden ni eisiau trefnu rhywbeth i ddathlu dechrau gwyliau’r haf," meddai Cadi, sy’n ddisgybl yn Ysgol OM Edwards, Llanuwchllyn.
“Mi fase’n wych tase plant o ysgolion yr ardal yn dod draw - mi fydd yna gemau, gwobrau a phencampwriaeth flossio!
"A pherfformiad gan Y Cledrau, wrth gwrs!”
Bydd y gig yn dechrau am 7.30yh nos Wener yma, Gorffennaf 20.
Mae tocynnau ar werth yn Awen Meirion, Garej Llanuwchllyn, trwy decstio 07834 845512 neu ebostio miwsigcymraeg@gmail.com
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here