CYNHELIR Noson Lawen ym Marchnad Rhuthun nos Wener, Mai 24 i ddechrau penwythnos o ddigwyddiadau i gasglu arian at Clwyd 2020 - y flwyddyn bydd Clwyd yn Sir Nawdd y Sioe Frenhinol.
Y digrifwr Dilwyn Pierce fydd yn arwain y noson a’r artistiaid yn diddanu fydd Sion Eilir, Elis Jones, Dafydd Jones, Cadi Mars Jones, Sian a Sian, a Chôr Meibion Llangwm.
“Mae aelodau CFfI Clwyd yn falch iawn o fod yn rhan o’r fenter codi arian at Sioe Frenhinol Cymru 2020,” meddai Eleri Roberts, trefnydd CFfI Clwyd.
“Bydd y penwythnos yn dechrau hefo’r cyngerdd ac yna ymlaen i Ddydd Sadwrn ble bydd aelodau yn brysur iawn hefo’r cystadleuaeth trimio oen a’r cneifio cyflym a fydd yn cael ei ddilyn hefo disgo gan Mic ar y Meic ar y nos Sadwrn.
"Bydd aelodau’r mudiad hefyd yn helpu hefo’r cinio Dydd Sul.”
Yn ystod y penwythnos, bydd Gwyl Wledig ar y dydd Sadwrn gyda taith tractor, gwyl fwyd a chrefftau, cneifio alpaca, sioe gwn a gweithgareddau i’r plant.
Yn dilyn hyn am 4 o’r gloch bydd cneifio cyflym ac adloniant gan Mic ar y Meic gyda’r nôs, ac yna sel cist car a chinio Sul ar y Dydd Sul.
Mae tocynnau’r noson lawen yn £10 i oedolion, £5 i blant ac ar gael yn Elfair Rhuthun a Siop Clwyd Dinbych.
Am fanylion pellach ewch i www.clwyd.com
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here