MAE llyfrgelloedd Sir Ddinbych yn galw ar blant i gofrestru i ddarllen chwe llyfr yr haf hwn fel rhan o’r Ras Ofod, Sialens Ddarllen yr Haf.
Mae’r Sialens Ddarllen yn gofyn i blant 4-11 oed fenthyca a darllen unrhyw chwe llyfr llyfrgell dros yr haf.
Thema Sialens Ddarllen Haf 2019 yw Ras Ofod, wedi'i hysbrydoli gan dathlu hanner canmlwyddiant y glaniad lleuad cyntaf.
Bydd plant yn ymuno â theulu’r Rocediaid, am antur gyffrous yn y gofod, wrth iddyn nhw ddod o hyd i lyfrau sydd wedi cael eu dwyn gan fand direidus o estroniaid.
Wrth i blant ddarllen llyfrau llyfrgell ar gyfer y Sialens, byddant yn derbyn sticeri arbennig, rhai gydag arogleuon rhyfedd.
I gymryd rhan yn Ras Ofod, mae angen i blant gofrestru yn eu llyfrgell agosaf, lle byddant yn cael ffolder i gadw cofnod o'u taith.
Mae’r Ras Ofod yn rhedeg tan ddiwedd Medi. Mae rhaglen gyfan o weithgareddau wedi'u cynllunio yn llyfrgelloedd Sir Ddinbych i deuluoedd dros yr haf i ddathlu Sialens Ddarllen yr Haf, gan gynnwys amser stori gwahanol gyda mama G, sesiynau crefft a chreu a chlybiau lego. Cysylltwch â'ch llyfrgell leol i gael gwybod mwy.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here