MAE canllaw i'r holl wybodaeth a chymorth sydd ar gael i ofalwyr yn Sir Ddinbych wedi'i lansio.
Comisiynwyd Gwasanaeth Gwybodaeth i Ofalwyr Gogledd Ddwyrain Cymru (GOGDdC) i ddatblygu’r canllaw gyda gofalwyr a sefydliadau partner lleol ar ran Cyngor Sir Ddinbych.
Mae'n helpu gofalwyr i gael gwybod sut i gael cymorth gydag arian a budd-daliadau, hawliau cyfreithiol, amser i ffwrdd o ofal, cymorth ymarferol, hyfforddiant, dysgu a chyflogaeth yn ogystal â gwasanaethau'r GIG.
Mae Ian Whitehead, 53, yn ofalwr i'w wraig a hefyd yn gwirfoddoli gyda GOGDdC yn cefnogi gofalwyr a helpu i godi arian.
Dywedodd: “Mae'n bwysig iawn bod gofalwyr yn ymwybodol o'r gefnogaeth sydd yno ar eu cyfer.
"Maen nhw’n chwarae rôl hanfodol, hebddyn nhw byddai’r unigolyn y maen nhw’n gofalu amdano yn fwy ynysig.”
Mae cefnogi gofalwyr a chreu cymunedau cryf yn flaenoriaeth i'r cyngor o dan ei Gynllun Corfforaethol, ac mae cefnogaeth yn cynnwys helpu gofalwyr i gael mynediad at wasanaethau hamdden, darparu cefnogaeth ariannol ar gyfer egwyliau byr, cynnig hyfforddiant i gynnal rolau gofalu, yn ogystal â hyrwyddo dysgu gydol oes a chefnogaeth i barhau i weithio neu ail-gydio yn y gweithlu.
Gallwch gael taflen mewn Siopau Un Alwad, llyfrgelloedd a meddygfeydd ar draws Sir Ddinbych.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here