MAE cymdeithas dai flaenllaw wedi cadarnhau pedwar aelod newydd i'w bwrdd rheoli.
Mae Grwp Cynefin wedi penodi Geraint George, Jane Lewis, Mike Corfield a Tony Jones i’r bwrdd rheoli o 10 aelod sy’n gyfrifol am bob agwedd o weithgareddau’r gymdeithas.
Y bwrdd sy’n cynnig cyfarwyddyd ar faterion y gymdeithas yn unol â’i hamcanion a’i chanllawiau.
Grwp Cynefin yw'r brif gymdeithas dai ar gyfer gogledd a chanolbarth Cymru, ac mae’n rheoli tua 4,800 o gartrefi.
Dywedodd Shan Lloyd Williams, prif weithredwr Grwp Cynefin: “Dwi’n falch o groesawu aelodau newydd ein bwrdd, bydd eu cyfoeth o brofiad ar y cyd a’u cefndiroedd amrywiol yn cryfhau ystod eang o sgiliau a galluoedd ein bwrdd.”
Yn ôl Dafydd Lewis, cadeirydd Grwp Cynefin: “Dwi’n ymfalchïo yn y ffaith bod Geraint, Mike, Tony a Jane wedi ymuno â’r bwrdd.
"Mae’r apwyntiadau yma’n parhau i gryfhau arweinyddiaeth profiadol Grwp Cynefin a bydd o gymorth wrth i’r cwmni edrych tua’r dyfodol.”
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here