DAETH hanner cant ohonon ni ynghyd ym Melin Brwcws i glywed Yr Athro Richard Wyn Jones yn esbonio beth oedd pwrpas y mudiad newydd Dyfodol i’r Iaith.
Nododd fod ymgyrchwyr dros y Gymraeg yn dal i weithredu fel pe na bai gennym Senedd o gwbl, yn hytrach na cheisio defnyddio aelodau a swyddogion y Senedd i wireddu eu dymuniadau.
Soniodd fel y mae pob mudiad arall yn cyflogi pobl i lobïo dros eu hachos ym Mae Caerdydd, ond nad oes yr un adyn byw yn gwneud hynny dros ein haith.
Mae gan warchodwyr pob math o anifeiliaid bobl sy’n cael eu talu i wneud dim ond sicrhau fod unrhyw ddeddf newydd yn gofalu nad yw... ystlumod, dyweder, yn cael cam.
Y gyfrinach yw canfod pa ddeddfau newydd sydd ar y gorwel ac yna siarad gyda’r Aelodau CyNiad a’u swyddogion fydd yn paratoi’r deddfau hynny.
Mae’n amlwg fod y mudiadau hyn i gyd yn gweld gwerth mewn lobïo o’r fath ac yn credu eu bod yn gallu dylanwadu yn y ffordd dawel, ddi-gynnwrf honno.
Un wers a ddysgais i fel ymgeisydd seneddol a chyNiad yw nad oes modd argyhoeddi neb am ddim wrth ymosod arnyn nhw. Dim ond wrth drafod yn rhesymol a rhesymegol y mae cael pobl i gytuno efo chi ac i gefnogi’ch syniadau.
Pwrpas pennaf Dyfodol i’r Iaith, felly, yw cyflogi dau berson fydd yn gweithio’n barhaol yn y Senedd yn sicrhau y bydd ystyriaeth i’r Gymraeg wrth gynllunio a chyflwyno pob deddf newydd. Ond mae angen arian sylweddol i wneud hynny, a dyna pam y mae Dyfodol yn gwahodd pawb sydd am weld y Gymraeg yn ffynnu yn dod yn aelod o’r mudiad.
Mae nifer oedd yn y cyfarfod yn y Brwcws wedi’u argyhoeddi ac wedi ymaelodi. Croeso i unrhyw un arall sydd am gefnogi’r Gymraeg gysylltu efo fi ac mi drefna’i bopeth iddyn nhw: eifion@lladdnadroedd.com
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules hereComments are closed on this article