DATGANIAD gan y Cynghorydd Hugh Evans, arweinydd Cyngor Sir Ddinbych ac aelod arweiniol dros yr economi:
"Rwy'n cefnogi cyhoeddiad Llywodraeth Cymru (Mawrth 19) ynghylch y pecyn £1.4b i roi hwb i fusnesau bach sy'n ei chael yn anodd ymdopi ag effaith argyfwng coronafirus.
"Deallwn y pwysau y mae'r sector busnes yn ei gael, a bydd yr arian hwn yn rhoi rhywfaint o ryddhad iddynt.
"Fodd bynnag, fel cyngor byddwn yn ysgrifennu at Lywodraeth Cymru fel mater o frys gan ofyn iddynt ystyried ehangu'r cynllun hwn i gynnwys mwy o fusnesau, gan gynnwys rhai hunangyflogedig sy'n gweithio gartref neu ar eu liwt eu hunain, nad ydynt yn gymwys o dan y meini prawf hyn.
"Mae busnesau bach yn hanfodol i'r economi yn Sir Ddinbych, gan gefnogi ein cymunedau a darparu swyddi ar gyfer ein trigolion.
"Mae Llywodraeth Cymru, drwy wasanaeth Busnes Cymru a Banc Datblygu Cymru, yn darparu'r cymorth ac rwy'n annog busnesau i gysylltu â nhw i gael rhagor o wybodaeth.
"Mae pecyn newydd Llywodraeth Cymru yn rhoi gwyliau i fusnesau manwerthu, hamdden a lletygarwch yng Nghymru sy'n cael blwyddyn o wyliau.
"Bydd grant o £25,000 hefyd yn cael ei gynnig i fusnesau yn yr un sector gyda gwerth ardrethol rhwng £12,001 a £51,000.
"Mae hefyd yn rhoi grant £10,000 i bob busnes sy'n gymwys i gael rhyddhad ardrethi busnes bach â gwerth ardrethol o £12,000 neu lai.
"Gofynnir i fusnesau gysylltu â llinell gymorth Busnes Cymru ar 03000 603000 a gallwch gysylltu â datblygiad.econmaidd@sirddinbych.gov.uk neu 01824 706896."
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here