TYBED pa lyfrau ddaeth yn hosan Siôn Corn dros yr Wyl a beth fydd ar dy restr ddarllen yn 2022?
Wel, os am un llawn her a sialens, beth am bori yng nghloriau llyfr newydd Dewi Prysor, 100 Cymru: Y Mynyddoedd a Fi.
Yn 2015 daeth Dewi Prysor ar draws llyfryn Dafydd Andrews, Cant Cymru.
Llyfr bach wedi’i ddylunio i’w gario mewn bag cerdded ac yn cynnwys cyfarwyddiadau i gyrraedd can copa uchaf Cymru.
Dyma’r ysbrydoliaeth oedd ei angen ar Dewi i ddechrau’r her o gerdded pob un o’r 100.
Yn ôl Dewi: “Mae cyrraedd copa mynydd wastad yn deimlad gwefreiddiol.
"Ond dau beth sy’n well na chyrraedd copa mynydd; cyrraedd at gopa mynydd am y tro cyntaf a chyrraedd copa mynydd am y tro cyntaf mewn ardal na fues i erioed yn ei chrwydro o’r blaen.
"A dyna’r peth gorau am her Cant Cymru, nid dim ond cyrraedd copaon ardal ddiarth, ond cyfle hefyd i gael blas o’r ardal yn gyffredinol – hanes, diwylliant a chymeriad (a mwy) y fro a’i phobl.
"I mi, mae mynydda a chrwydro, meini hirion, carneddau, bryngaerau ac enwau lleoedd i gyd yn mynd law yn llaw, ac yn wirioneddol gyffrous.”
Yn ôl Dafydd Andrews, awdur y llyfr 1998 gwreiddiol: “Mae’n gyfrol hyfryd – lluniau ardderchog ac arddull cartrefol, darllenadwy.
"Dwi wrth fy modd ei fod o wedi'i seilio ar fy llyfr bach i.”
Mae 100 Cymru: Y Mynyddoedd a Fi a gyhoeddir gan y Lolfa ar gael nawr yn eich siopau Cymraeg lleol am £19.99.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here