MAE Carol yr Ŵyl yn ôl am y tro cyntaf ers 2019, a bydd y ciwt ffactor yn amlwg wrth i blant ysgolion cynradd ganu carolau gwreiddiol gan obeithio ennill teitl - Carol yr Ŵyl 2022.
Bydd y gantores Bronwen Lewis, yn beirniadu am y tro cyntaf eleni ac yn ein tywys ar wibdaith Nadoligaidd ar draws Cymru.
Bydd hi hefyd yn cael cwmni un arall o feirniaid Carol yr Ŵyl sef y cerddor Robat Arwyn, o Rhuthun, wrth i ni glywed ymdrechion 11 o ysgolion cynradd sydd wedi cyrraedd y
rhestr fer eleni.
O stori’r geni, i’r rhyfel yn Wcráin i anrhegion Sion Corn mae’r amrywiaeth mor
eang â phob hosan Nadolig.
Ma’ Robat Arwyn wedi beirniadu yn y gorffennol.
Dywedodd: “Ma’ hi’n gystadleuaeth unigryw ac yn hoelio sylw pawb ar neges y Nadolig - y diniweidrwydd, y gobaith, y cariad a’r llawenydd - ac mae hynny’n berthnasol i bob un ohona ni, beth bynnag ein crefydd, beth bynnag ein cred. Ac mae rhannu hynny ar gân yn cydio’n y galon yn syth.”
Carol yr Ŵyl
Nos Wener, Rhagfyr 23 (8.25yh ar S4C)
Ar alw: S4C Clic, iPlayer a llwyfannau eraill
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here